आज राति जापान र ब्राजिलबीच विश्वकपको रोमाञ्चक भिडन्त

फिफा विश्वकप २०२६ को नकआउट चरणअन्तर्गत आज राति जापान र ब्राजिलबीच बहुप्रतीक्षित प्रतिस्पर्धा हुँदैछ।

दुई दशकअघि विश्वकपमा ब्राजिलसँग ४–१ ले पराजित भएको जापान यसपटक इतिहास बदल्ने लक्ष्यका साथ मैदानमा उत्रिनेछ। पछिल्ला वर्षहरूमा युरोपका शीर्ष लिगमा खेल्ने जापानी खेलाडीहरूको उत्कृष्ट प्रदर्शनका कारण टोली पहिलेभन्दा निकै बलियो बनेको विश्लेषण गरिएको छ।

उता पाँच पटकको विश्वविजेता ब्राजिल भने उपाधि यात्रालाई निरन्तरता दिने लक्ष्यमा छ। यसअघि सहआयोजक क्यानडाले दक्षिण अफ्रिकालाई १–० ले पराजित गर्दै पहिलो पटक विश्वकपको अन्तिम १६ मा स्थान बनाएको छ। अब क्यानडाले मोरक्को वा नेदरल्यान्ड्ससँग प्रतिस्पर्धा गर्नेछ।