नेप्से आठ महिनाकै न्यून विन्दुमा, कारोबार रकम भने बढ्यो

साताको पहिलो कारोबार दिन सोमबार नेपाल स्टक एक्सचेन्ज (नेप्से) परिसूचक ३० दशमलव ६० अंकले घट्दै २ हजार ५७० दशमलव १७ बिन्दुमा पुगेको छ। यो मंसिर ४ यताकै सबैभन्दा न्यून स्तर हो।

बजारमा गिरावट आए पनि कारोबार रकम भने बढेर ७ अर्ब ४६ करोड रुपैयाँ पुगेको छ, जुन वैशाख ९ यताकै उच्च कारोबार हो।

आज २२ कम्पनीको शेयर मूल्य बढ्दा २४९ कम्पनीको घट्यो भने चार कम्पनी स्थिर रहे। सबै समूहगत परिसूचक ओरालो लागेका छन्, जसमा व्यापार, होटल तथा पर्यटन र जलविद्युत् समूहमा सबैभन्दा बढी गिरावट देखिएको छ।

आज सामुदायिक लघुवित्त र आत्मनिर्भर लघुवित्तको शेयर मूल्य बढ्दा उपकार लघुवित्त, बुद्धभूमि हाइड्रोपावर, दिव्यश्वरी हाइड्रोपावर र हिमस्टार ऊर्जाको शेयर मूल्य उल्लेख्य रूपमा घटेको छ।