निर्मल पुर्जाको अन्त्येष्टि बेलायतमा हुने, शव स्कार्डो हुँदै लन्डन लैजाने तयारी

काठमाडौं । पाकिस्तानको काराकोरम हिमश्रृङ्खलाअन्तर्गत रहेको ब्रोड पिकमा हिमपहिरोमा परी निधन भएका विश्वप्रसिद्ध नेपाली पर्वतारोही निर्मल ‘निम्स दाइ’ पुर्जाको अन्त्येष्टि बेलायतमा गरिने भएको छ।

अत्यन्तै कठिन मौसम र जोखिमपूर्ण भूभागका कारण केही दिनसम्म उद्धार हुन नसकेको उनको शव बुधबार सफलतापूर्वक हिमपहिरोबाट निकालेर आधारशिविरमा ल्याइएको थियो। उद्धार टोलीका अनुसार अब शवलाई स्कार्डो पुर्‍याउन करिब दुई दिन लाग्नेछ। त्यसपछि लन्डन लगेर अन्त्येष्टि गरिने तयारी छ।

निर्मल पुर्जासँगै झोङ वाङ, निमा शेर्पा र किलु शेर्पाको शव पनि उद्धार गरी आधारशिविरमा ल्याइएको छ। अन्य नेपाली पर्वतारोहीहरूको शव भने नेपाल ल्याइने जनाइएको छ।

उद्धार अभियानको नेतृत्व पर्वतारोही तथा उद्धारकर्ता मिङ्मा शेर्पाले गरेका थिए। अभियानमा पाकिस्तान सेना, पाकिस्तान सरकार, गिल्गिट–बाल्टिस्तान सरकार, ब्रिटिस हाइकमिसन, नेपाली दूतावास तथा अल्पाइन क्लब अफ पाकिस्तानलगायतको समन्वय रहेको थियो।

उद्धारपछि जारी वक्तव्यमा निर्मल पुर्जालाई "एक महान् पर्वतारोही मात्र नभई पति, पिता, छोरा, दाजुभाइ, साथी र सम्पूर्ण टोलीको मुटु" का रूपमा स्मरण गरिएको छ।

साउन १४ गते ब्रोड पिक आरोहणका क्रममा आएको हिमपहिरोमा १० जना आरोही परेका थिए। हालसम्म चार जनाको शव उद्धार गरिएको छ भने अझै तीन जना बेपत्ता रहेका छन्।

म्याग्दीमा जन्मेर चितवनमा हुर्किएका निर्मल पुर्जा बेलायती सेनाको स्पेसल बोट सर्भिस (एसबीएस) का पूर्व सदस्य थिए। उनले अक्सिजनबिना ६ महिनाभित्र ८ हजार मिटरभन्दा अग्ला १४ हिमाल आरोहण गरेर विश्व कीर्तिमान बनाएका थिए। यसपटक पनि आफ्नै कीर्तिमान तोड्ने लक्ष्यसहित ब्रोड पिक आरोहणका क्रममा उनी हिमपहिरोमा परेका थिए।