सुनको भाउ फेरि ४ हजार ६ सयले घट्यो, तोलाको ३ लाख १ हजार ६ सय

काठमाडौं । गत साता पाँच दिनमा २४ हजार २ सय रुपैयाँले बढेको सुनको भाउ पछिल्ला दिनमा लगातार घट्न थालेको छ ।

नेपाल सुनचाँदी व्यवसायी महासंघका अनुसार शुक्रबार सुनको भाउ तोलामा ४ हजार ६ सय रुपैयाँ घटेर ३ लाख १ हजार ६ सय रुपैयाँमा झरेको छ ।

बिहीबार सुनको भाउ तोलामा ५ सय रुपैयाँ घटेर ३ लाख ६ हजार २ सय रुपैयाँमा कायम भएको थियो । त्यसअघि बुधबार पनि सुनको भाउ तोलामा १ हजार २ सय रुपैयाँ घटेको थियो ।

त्यसैगरी शुक्रबार चाँदीको मूल्य पनि घटेको छ । चाँदीको भाउ तोलामा ९० रुपैयाँ घटेर ४ हजार ६ सय ६० रुपैयाँमा झरेको महासंघले जनाएको छ । बिहीबार चाँदीको मूल्य ४ हजार ७ सय ५० रुपैयाँ थियो ।